نكت مصرية جامدة

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

** واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له 'اتفضل' التاني يقوله 'لأ اتفضل إنت الأول

.' واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين

"واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟

!!! طبيب بيطري ذهب للزواج جالس أمام أهل العروسة منفوخ وراسم نفسه قوي قال أنا أكسب يوميا خمسة الأف جنيه رد والد العروسة على كدة انت مشهور قال طبعا مافيش حمار مايعرفنيش

واحده بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط ؟؟
مرة واحد لقى صاحبه جى من بعيد فقاله ايه عندك مشكلة قال اللى بيجرى أيوه فقال صاحبه ايه ياستار يارب قال اللى بيجرى حماتى .......حماتى كلت نصف كيلوا سمك جالها شلل نصفى قال صاحبه وأنت رايح تجيب الإسعاف قال اللى بيجرى لأ أنا رايح أجيب كمان نصف كيلوا سمك